Zaithiam Pi Daduhi’n Covid19 Aṭanga A Damchhuah Dan Heti Hian A Sawi

Mizo Zaithiam Lalrindiki Khiangte (Pi Daduhi) chuan tunlai hripui rapthlak Covid-19 a vei thu leh he hri aṭanga Pathian in chelhchilh a a damchhuah dan Testimony ropui takin a sawi.

Covid-19 natna aṭanga a damchhuah dan hi UK Zofate Inkhawmna ah Pi Daduhi hian a sawi a, April 3 Zirtawp tlai lama hna a kir hnu ah hemi zan aṭang hian a khua a sik ṭan a, a tir chuan khuh pawh khuh lovin khawsik chauh a neih thu a sawi. Mahsela ni 4 na aṭang a khuh ṭan a ni a ti.

Pi Daduhi hian a inrinhlelh hnu hian hlauhthawnna leh manganna nasa tak a nei a, thi dawn ngeia a inhriat hial thu te a sawilang.”Ka fate ka en khan an la te si a, thihsan thei niin ka in hrelo” a ti.

A chhungte aṭang fimkhur nan a inla hrang a, Test an neih chuan Covid19 hi a lo Positive a ni tih a sawi. Hospital a awm chhung hian thawktu ten an ngaihtuahna ah lawmthu a sawi bawk a hetih chhung hian Pathian in a awmpui  a a chenchilh tlat thu a sawi a ni.

“Covid19 vei mah ila Pathian hian he Covid19 ah hian min rawn tidam nghal duak lo mahsela ka vei chhung zawng hian Lalpan min awmpui anga Covid19 ka te chu a ti chip anga ka dam leh dawn a ni tih chiang tak mai hian min rawn hriattir a ni. Ka thla a muang a. Pathian thlamuanna khawvel in a pek theih loh khami kha ka neih avang khan ka thinlung ah khami kha a rawn awm a.

Sakeibaknei puk chhunga Daniel-a awmchhung zawngin Lalpan a awmpuia, a vantirhkohte a tir thla a a awmpui a. Min tidam lo mahsela, min la tidam rih lo mahsela ka vei chhung zawng hian Lalpan min chelh tlat a min awmpui tlat a ni tih ka hriat khan ka thinlung ah hian thlamuanna khawvel in a pek theih loh thlamuanna a awm” tiin hnukulh tak in mittui tla chungin a sawi.

Damlo bawrh bawrh chung pawha hlima a thlamuan thu a tarlang a, tunah chuan ṭhat lam a pan zel tawh thu a sawi bawk a ni. Pi Daduhi Testimony ropui tak hi han ngaithla ve teh.

 

Be the first to comment

Leave a Reply

Your email address will not be published.


*