Thla Chuang Teh Meuh Nitin Darkar 22 Game Khelh Vangin A Kut Leh Ban A Zeng

Rawlthar kum 15 mi lek Year 9 Student chu thla 1 vel lai mai nitin darkar 22 chhung Computer Games khela hun a hman ṭhin vangin a kut leh ban te che thei lo in a zen (paralyse) phah.

He rawlthar hi Nanning, China a mi Xiaobin tia koh a ni. Lockdown vanga School khar anih aṭang khan bedroom ah Game khel hian hun a hmang char char a, a nu leh pa te pawh in an fapa hian a hun tam zawk zawng zawng Game khelh nan a hmang tih pawh hi an hre lawk lo leh nghal.

A nu leh pa te hian engthil nge a tih chiah tih an zawh ṭhin lahin Xiaobin hian Online Class a zawm thu in a chhang awlsam et a, mahsela Class reng a lo nilo. Nitin zantin Games khelin hun a lo hmang ṭhin zawk alo ni a, a tawp ah chuan a chhiat phah.

Xiaobin hi Guangxi Province a Jiangbin Hospital ah enkawl a ni. CT Scan hmanga an enfiah chuan cerebral stroke a vei tih an hmuchhuak. Brain Specialist, Dr Li chuan chat lak lo leh hleihluak taka Games a khelh vang leh kham khawp mut loh vanga heng thil hi thleng a nih thu a sawi.

Nu leh pa te pawh hian kan faten eng thil nge an tih a an lo buaipui ṭhin tih hi chiang taka hriat a, ngaihsak ṭhin hi a ṭul a ni.

WOB

Be the first to comment

Leave a Reply

Your email address will not be published.


*