Tennis World No.1 Novak Djokovic Leh A Nupui Te Covid19 Positive

Coronavirus chu ṭaidarh zel in milar zingah hri vei thar hmuchhuah belh a ni leh tawh.

June 23 khan ESPN chuan Tennis Men’s Singles World No.1, Novak Djokovic chuan Covid19 a vei tih an tarlang a, amah mai bakah hian a nupui Jelena Dokovic pawhin Covid19 hi a positive tih hriat a ni bawk.

Novak Djokovic hian Serbia leh Croatia ah tennis tournament tour (ADRIA TOUR, 12th June- 5th July) huaihawt in, heta ṭanga hri hi kai ta nia hriat a ni a, Andria Tour chhimtu zingah hian hri vei dang pawh an awm ve nual dawn.

Virus chauh lai chuhin Tournament hi an buatsaih a, mahsela vanduaithlak takin hripui hian an Tournament neihna ah hian alo telpui reng. Djokovic hian thil thleng chu pawi a ti hle a ngaihdam a dil.

Inkhunghrangin ni 5 hnu ah test hi an nei leh dawn tih statement a chhuah a. Tournament a inlan te chu in check up a hri an kai leh kai loh in enfiah tur leh social distance ngaipawimawh turin a chah.

Djokovic bakah hian Tennis Player dang 3 Grigor Dimitrov, Borna Coric leh Viktor Troicki te pawhin Covid19 hi an vei tih hriat a ni tawh a,Viktor Troicki nupui nau pai mek pawh in Covid19 a positive. Hri vei thar hmuh a nih hnu ah ADRIA Tour hi cancel a ni zui nghal bawk.

WOB

Be the first to comment

Leave a Reply

Your email address will not be published.


*