Sushant Thihna Avanga Salman Khan, Karan Johar, Ekta Kapoor Leh Midang Laka Thubuai Thehluh Chu Bihar Court In A Hnawl

Boruak a la reh hleithei meuh lo. Fans te lahin dikna hmuh ngei an phut tlat si a, a phena thudik awm an rin tlat hi an hai chhuak thei tak ang em maw.

June 14 a Sushant Singh Rajput boral aṭanga ni 3 hnu ah local advocate Sudhir Kumar Ojha chuan Bollywood challawk zual heng Salman Khan, Ekta Kapoor, Sanjay Leela Bhansali, Karan Johar leh midang te ho chu Bihar Court ah Sushant thihna chungchang vangin an lakah thubuai alo thehlut.

Amaherawh chu Bollywood bigwigs te laka Complaint thehluh hi Nilaini khan Bihar Court chuan a hnawl a, hei hi Court lam thuneihna phak chin a ni tawh tiin Chief Judicial Magistrate of Muzaffarpur Mukesh Kumar chuan a paihchhuak ta hmiah.

Sushant thihna ah hian Bollywood Actress, Kangana Ranaut a ṭawngchhuak nasa hle a. Nepotism ṭawngkam a rawn lar phah hle. Local advocate Sudhir Kumar Ojha in FIR a register pawh khan Kangana hi Witness atan alo ziak bawk a ni.

News18

Be the first to comment

Leave a Reply

Your email address will not be published.


*