Raipuar Mek Zaithiam Katy Perry Pawh A Inlar E

“Roar” singer, Katy Perry (kum 35) pawh nau pai mek in a nei ṭep tawh a, raipuar chungin Pathianni khan Malibu Beach ah hun an hmang.

Katy Perry hi amah bakah a fa piang tur pa Actor, Orlando Bloom (kum 43) pawh a tel ve nghe nghe a, pum puar tak chungin strapless fuchsia swimsuit nen a chhe lo viau a, an pahnih bakah midang nen hun nuam tak an lo hmang ho a ni.

Katy Perry leh Orlando Bloom te fa piang tur hi hmeichhia a nih tur thu hriat a ni tawh bawk. Perry hian a fa piang tur Godmother atan hian a ṭhiannu ve em em Actress, Jenifer Aniston chu a ruat dawn tih sawi a awm bawk.

An pahnih hian kum 2016 aṭangin an inkawp ṭan a, hetia an inkawp chhung hian ni leh ni lo ang in an khawsa tawn ve deuh reng bawk a. Mahsela 2019 Valentine’s Day khan inhualna an nei.

Naute piang tur hi Perry tan a fa hmasa ber tur a nih laiin Orlando Bloom tan erawh a fa pahnihna tur a ni thung. Bloom hian a nupui hmasa Miranda Kerr lakah fapa kum 9 mi Flynn a lo nei tawh.

DM

Be the first to comment

Leave a Reply

Your email address will not be published.


*