Nicki Minaj Unaupa Kum 25 Jail A Tang Dawn

Hmeichhe rapper bawn tak leh chuai thei lo tih theih hial Nicki Minaj unaupa chu Jail bang a zut ngei dawn e.

Nicki Minaj unaupa Jelani Maraj chu hmeichhe naupang pawngsual thubuai ah thiam loh chantir a ni a, Thawhṭanni khan a chungthu hi ngaihtuah ni in kum 25 Jail tang tura hrem a ni.

Jelani Maraj hian hmeichhe naupang kum 11 mi chu a chenna Long Island ah a lo khuai khem ṭhin a, 2015 daih khan niin hmeichhe naupang nu hnathawh hlan in a lo che ṭhin nia tarlan a ni.

Hmeichhe naupang Pajama a DNA chu Maraj nen hian a inmil thlap thu an sawi bawk a, chhuanlam siam theihna reng a awm lo an ti. Hmeichhe naupang unaupa hian a sual lai hi a hmuh ngei thu a sawi ve bawk.

A unaupa chetdan hi Nicki Minaj tan chuan a mualpho thlak hle. Miraj hian a chungthu rel ah hian chance dang a dil a, zu ah buaina a tawk a, a attorney chuan a hriselna dinhmun vangin a tan hun hi tih hniam sak ṭhen turin a ngen sak bawk.

News18

Be the first to comment

Leave a Reply

Your email address will not be published.


*