Leonardo DiCaprio Leh A Bialnu Chhelo Tak Te Quarantine Hmang Ṭangkai

“Titanic” Film aṭang daih tawh a kan lo hmelhriat tlanglawn ve em em tun thleng a la tlangval Actor, Leonardo DiCaprio pawh Lockdown laiin a mal bik lo.

He Oscar-winning actor hi a bialnu chhelo leh hmelṭha tak Camila Morrone nen an in quarantine dun a, quarantine hi hun remchang ah hmang dunin Inrinni khan Malibu Beach ah hun an hmang dun.

Kum 45 a upa DiCaprio hian white printed t-shirt a inbel a, a bialnu kum 23 mi lek Morrone hi alo duat thiam khawp mai.

Hripui vanga Lockdown a nih vang hian DiCaprio leh Morrone te pawh hian an pahnih hian an hun tam zawk an hman dun theih phah thu Source chuan a sawi.

The Valley Girl actress hian tunhnai maia a kum 23 tlinna puala yacht a lawmna a buatsaihah DiCaprio leh a ṭhianṭha zual Nina Dobrev, Shaun White, Kevin Connolly leh Lukas Haas te nen hun nuam tak an hmang bawk.

Anni pahnih hi kum 2017 December thla aṭang sawi an kai a, Academy Awards ah te pawh an inlan dun. Kum inthlau viau mahse tun thlengin hlim takin an inkawp chho ve zel. Nupa ah an insiam vat lo ang tih pawh a sawi theih loh.

DM

Be the first to comment

Leave a Reply

Your email address will not be published.


*