Khawvela Mipa Vannei Ber Ka Ni Tiin David Beckham Fapa Brooklyn Chuan Nupui Hual A Neih Thu A Puang

Brooklyn Beckham hi David Beckham leh Victoria Beckham te fapa upa ber a ni a, hmangaihna lamah tluang tak tia sawi tur erawh a ni bik lo chungin a tawpah chuan a kawppui tur hmeichhia a tawng ve ta a nih hmel.

Kum 21 a upa Brooklyn Beckham chuan a bialnu kum 25 a upa Nicola Pelz nen an inhual tawh thu Inrinni khan khawvel hriat ah a puangzar.

“Kar 2 liamta khan inneih pui ah ka sawm a, a ni chuan “aw” tiin min chhang. Khawvela mipa vannei ber ka ni. Pasal ṭha tak nih ngei ka intiam a, engtik ni ah emaw Pa ṭha tak ka la ni ngei bawk ang. Ka hmangaih che bawihte” tiin thlum leh no takin a nupui hual Peltz nen an thlalak hi a phochhuak a ni.

Peltz pawh hian a pasal hual Brooklyn iang in khawvela hmeichhe vannei ber a nih thu a sawi ve bawk. Brooklyn nen hian thla 8 an in date hnu ah an inhual a October 2019 aṭangin an inzui ṭan.

Peltz in inhualna zungbun a bun hi £160,000 man bawr vel anga rin a ni bawk a David Beckham te nupa pawh hian an mo ni mai tur Peltz hi an iai lo hle a ni tih an Social Media Post aṭang te in a hriat theih.

Nicola Peltz hi chhungkaw neinung tak niin a pa Nelson Peltz hi Billionaire a ni a, a hausakna hi $1.7 Billion vel a ni hem bawk. Peltz hi Brooklyn nen an intawn hma pawn awmthei sa alo ni tawh. Brooklyn hi Peltz nen an in date hma hian Chloë Grace Moritz leh Hana Cross ang te alo kawp ve zak zak hman a ni.

DM

Be the first to comment

Leave a Reply

Your email address will not be published.


*