Hrileng In A Man A Fapa Chu A Chhungte Dang Zawngin Natna Kai Ve Hlauh Vanga An Ngaihtuah Loh Laiin Nu Chuan Hmangaihna In A Kuangkuah

Coronavirus/Wuhan Virus hian chhungkaw hlim leh inhmangaih lai tam tak a pawt ṭhen tawh a, a la pawt ṭhen mek zel bawk. Mitam tak biang ah mittui a luangchhuak tam ta hle a, an lainatawm tak zet hlawm a ni.

Thlalak a kan hmuh mipa hi China rama hrileng mek in a chimbuak a ni a, he natna hian a chhungkua te nena an inzawmna chu a pawt chat chiang viau a tih theih ang.

Enkawl a ngaihsak tur in chhungte mumal pawh a nei lo. A neihchhun chu a nu chauh a ni. A chhung te dang zawng chuan hrileng a vei tih an hriat in kai an hlau a, a hmel hmu tur pawh in an tlawhpawh duh lo.

A nu kum 90 mi chiah chuan hmu turin a awmna a pan a, Doctor te pawh in zawhna zawt in kum upa tawh tak chunga engvanga amah chauh a kal nge tih an zawh chuan a chhungte dang zawng chuan he natna hi vei an hlau a, an kal ngam loh thu a hrilh.

Pitar hian Hospital a chhuahsan hma hian nurse hnen ah chuan paper leh pen a dil a, chutah chuan a fapa hnen ah chhel tak a awm a doctor te puihna a he natna hi hneh turin fuihna thu a lo hnuchhiah. Hei bak ah hian pawisa 500 yuan (RM296) chu a mamawh a hman atan a hlan tel.

Be the first to comment

Leave a Reply

Your email address will not be published.


*