Hospital Lama Kir Leh Nghal Vat A Ngaih Vangin Inneih Nan Minute 10 Chauh

Wuhan Virus vangin China in hun thim a tawk mek a, mi eng emaw zat mangang in an rum a ni.

Chinese inneihna a zawnga mawlmang tak chu Wuhan Virus vangin a thleng a, he nupa tuak thar te hian hun hmang dun tur pawh in hun an nei lo. Inneih zawh vel ah buaina in a nang chho nghal char char.

Inneih thar te hian an inneihna atan minute 10 chiah hun an hmang a, hmaituam chungin nupa ah an insiam. Mo neitu zawk hi Doctor a ni a, Ceremony zawh hian a nupui kiang ah pawh hun hmang thei lovin damlo te enkawlin a buaipui zui nghal a ni.

January.30 khan Heze, Shandong ah an innei a, inneih chhimtu pawh mi 5 chauh niin an mahni pahnih bak ah mo neitu nu leh pa leh inneih tir tu te chauh an tel.

Wuhan Virus vang in inneih mumal tak in an hmang thei lo a, natna kai awlsam a nih vangin midang chuan an inneihna pawh an chhim lo. Inneih ni tur zawka an ruat aia hma ah an innei. Chawpchilh leh mawlmang takin innei mahse an hun tawn in a zir loh vangin lungawilohna an nei chuang lo.

Be the first to comment

Leave a Reply

Your email address will not be published.


*