Damdawi In A Anu Chunga Mak Taka A Chet Vangin Man A Ni

Damdawi in ah thi lek lek in a awm a ni a, duat tak leh ṭha taka enkawl tur zawk a nih laiin a chung ah engthil nge a tih tak mai hi.

Sao Luis, Brazilian state of Maranhao a Dr Carlos Macieira Hospital ah nu pakhat kum 68 mi Ana Benedita Figueiredo chu pulmonary embolism vang in Admit a ni a.

January 19 aṭang Hospital ah hian a awm tawh. Damdawi in khum a ṭha chhuak turin theihtawp a a sual ve mek laiin a fanu kum 32 mi Luciana Paula Figueiredo chuan a nunna laksak a tum si.

Luciana Paula Figueiredo hian a nu hi damdawi in a a mutna khum ah chuan a ka leh hnar te chu hup sak in thawchham in thih tira a nunna lak a lo tum a, hetih lai hi hospital lama thawk te awm loh lai a ni a mahsela damlo dang awm chuan a chetdan hi a vaiin alo la vek a ni.

A nu thah a tum avang hian man a ni a, tualthah tum thubuai an awrhtirh nghal. An sawidan chuan a nu thah a tum chhan hi enkawl a peih tawh loh vang ni berin an sawi. A bag ah hian a nu taksa a kah luh tur ni ngeia hriat syringe an hmu tel.

DM

Be the first to comment

Leave a Reply

Your email address will not be published.


*