Conor McGregor Chuan UFC A Chawlhsan Dawn Tih Puang, Tun Hi A Vawithumna

Former featherweight and light-welterweight champion Conor McGregor (kum 31) chuan a Social Media ah fans te tana thu lawmawm lem lo tak a puangzar a, UFC a a zinkawng chu zawh tawp in chawlh a tum thu a sawi.

Pathianni khan McGregor hian Twitter ah a nu nena an thlalak chu phochhuak in a chawlh tawh tur thu hi a puang ta a ni.

McGregor hian fight hmachhawn tawh lo a chawl tawh turin thu tlukna ka siam a ti a, a hun liam tawha a thil lo hmachhawn tawh te chu hriat reng tawh tur a ni a ti bawk.

Tun hi a retire thu a puanchhuah vawi thumna lai a ni tawh a, nikum March thla khan a chawlh thu hi a lo puang tawh bawk a mahse a puan aṭang thla 12 ah a kir leh tho. Tun ṭum ah hian chawlh hlen tak tak hi a tum em tih hriatthiam pawh a harsa.

Retire a duh chhan ESPN hnena a sawi ah chuan Game ah hian tuina a pawh pha tak tak tawh lo a ti. A hausakna net worth hi tunah $110m vel anga tarlan a ni a UFC fights aṭang $100m vel a hmuchhuak tawh bawk.

MailOnline

Be the first to comment

Leave a Reply

Your email address will not be published.


*