A Bo Aṭanga Ni 5 Hnuah ‘Glee’ Star, Naya Rivera Ruang Hmuh A Ni

‘Glee’ star kum 33 mi Naya Rivera chu a bo aṭanga ni 5 hnu ah nimin July 13 (Thawhṭanni) zinglam khan a ruang hmuh a ni ta.

July 8 khan Naya Rivera hi a fapa kum 4 mi Josey Dorsey nen lawng hawh in Lake Piru ah Boat Trip neiin an chhuak a. A fapa Josey hi him dam taka hmuh a nih laiin Rivera hi chin hriat tur awm lovin a khuangcherbo. A bo hnu hian ngawrh takin hmanraw chi hrang hrang nen zawn hna thawh a ni.

Police lam te pawh an beidawn rum rum tawh hnu in nimin July 13 khan Southern California lake ah a ruang hi an hmu ta ani. Ruang hi Rivera ngei a ni tih chian a nih tawh thu The Ventura County Sheriff’s Office chuan a puang.

Rivera hian a fapa kha lawngah hlang in a nun a chhan thei a, mahsela amah a inchhanhim hman ta lo. A fapa hi kum 4 mi chauh a ni a, a nu nunna chhan tur hian tih theih reng a nei lo.

Tin, mak ve deuh mai chu Naya Rivera ruang an hmuh ni hi Glee former co-star, Corey Monteith thih aṭanga kum 7 na chiah a lo ni ve bawk a, Corey Monteith hi kum 2013 July 13 khan kum 31 mi niin a boral.

USA Today

Be the first to comment

Leave a Reply

Your email address will not be published.


*