C Ronaldo Leh Georgina Rodriguez Te An Inhual?

Cristiano Ronaldo leh a kawppui Georgina Rodriguez te hi nupa sawi theih ni si lo in chhungkua angin an khawsa tlang reng tho a, an chungchangah hian an mahni duhtu te bakah Media lam pawh a tibuai ṭhin hle.

A chang leh innei tawh angin an sawi thul a, a hnu ah an inneih leh loh thu a ri zui leh bawk. Nupa an nih leh nih loh chungchangah hian an mahni pha tlat mahse Reporter ṭhenkhat ngaihdan erawh a dang thung.

CR7 partner, Georgina chuan rumours ti tam leh turin a thlalak thar lam tak chu a Instagram ah a post leh a. Hei hian an inhual ngei niin thu thang a ti tam zui nghal.

Pathianni khan Georgina hian Portofino trip neia yacht a a thlalak a phochhuak a, hetah hian inneih zungbun bunna kut zungṭang ah diamond zungbun lian ṭha nelh nawlh a rawn bunchhuak. Hei hian an inhual ngei nia rinna a rawn tilian leh ta hle a ni.

A kawppui C. Ronaldoa’n Morocco a low-key wedding ceremony buatsaih chungchang a phat aṭanga thla 7 hnu ah Brunette beauty Georgina hian post hi a siam ve leh.

Caption hi Spanish in a dah a, english in : ‘Great is the one who does not need to turn off the light of others to shine �� … ❤️ #love #goodvibes.’ (sic)’ tiin Caption a pe.

Georgina thlalak hian thu thar lakhawm tu te beng a ti vir leh nasa tawh. CR7 nen hian 2016 aṭang an inkawp a tunah hian fanu pakhat kum 2 mi Alana an nei tawh.

Hei bakah Ronaldo hian kum 9 mi Cristiano Jr bakah phir Mateo leh Eva te Surrogate kaltlangin a lo nei tawh bawk.

DM

Be the first to comment

Leave a Reply

Your email address will not be published.


*