Michael Jordan Chuan Racism Um Bo Nan $100 Million Pek A Tum

Mihang George Floyd thihna chuan buaina hrang hrang a siam nasat phah hle a, a bikin Floyd thihna hian a mihang pui te rilru nasa tak in hliam phah a, an thinrim hlawm viau.

Khawthlang ram ah khuan mihang te hi thil ti thei tak tak an tam a, Floyd vanduaina vang pawh hian sum chhuak a ṭhahnem thawkhat tawh.

Basketball legend, Michael Jordan chuan racism thleng ṭhin chu duh lo in nasa takin a do a, racial equality leh social justice atan $100m (£79m) a pe dawn tih a puang.

Michael Jordan hian a Jordan Brand nen ṭangkawp in $100m hi an donate dawn tih zirtawpni khan a puang a, heng pawisa te hi kum 10 chhung atana sem tura ruahman a ni a, racism umbo leh do lama hma la tu pawl organization ho te hnen ah a hlan dawn.

NBA Champion vawi 6 ni tawh hian Police kut tuar vanga George Floyd thihna chu a rilru natthlak in a thinrim thlak a ti a, a mihangpuite thlavang hauh hian a ding nghet tlat a ti. Vun rawng vanga inthliarna awm chu a duh lo hul hual.

Michael Jordan hi tunah hian American professional basketball team, Charlotte Hornets nei tu a ni bawk.

Sky News

Be the first to comment

Leave a Reply

Your email address will not be published.


*